Weglekind sê:

Hello aan al die nice e, en die ander ook. Nicole die mr van my het ook sy gatvere vir sy ma probeer wys en ek het eenvoudig hom kamer toe gevat hom daar neer gesit en geloop. Die man het gou besef dit werk nie met ma nie. Ons is nou al so dat ek vir hom se “gaan kamer toe” en dan stap die man sleep voet sleep voet in die gang af na sy kamer. Maar hy stap ook net in en dan draai die man om en kom vriendelik terug. Mens dink hulle is te klein om te verstaan maar glo my hulle verstaan maar al te goed. Op die ouderdom is hulle nog te klein vir time out maar mense moet net hulle aandag af kry van die woede bui en die skree af op iets anders. En jy moet ook weet hulle toets hulle grense en kyk hoe ver hulle jou kan druk en waarmee hulle kan weg kom. Moet net nie terug skree en geraas maak nie – ek weet dit is soms moeilik om dit nie te doen nie – en praat net ferm en se en neem haar kamer toe – klein bedryfies moet ‘n gehoor he om ‘n tantrum te gooi (haar woede is tantrum) en as jy haar kamer toe vat dan het sy nie ‘n gehoor nie. Moet nie die deur toe maak nie maar as sy agter jou aan drentel en nogsteeds skree dan tel jy maar net weer op en vat terug tot sy besef dit gaan nie werk nie en bedaar. Hoop maar dit help. Moet net nie toe gee aan die woede en skree nie – daardeur leer sy dat sy maar so kan maak en kry wat sy wil he.